Yuxarı

​Müdafiə Nazirliyi: Rusiya və Türkiyə arasındakı hərbi əməkdaşlığa son qoyulub

İqor Konaşenkov: Rusiya Hərbi Dəniz Donanmasının Türkiyədəki nümayəndəsi də geri çağırılıb

Bakı. 26 noyabr. REPORT.AZ/ Rusiya Müdafiə Nazirliyi və Türkiyə Hərbi Qüvvələri arasında mövcud olan bütün əlaqələr kəsilib. Həmçinin, Türkiyə Qara Dəniz Donanması və Hərbi Dəniz Qüvvələrinin koordinasiyası məqsədilə Türkiyədə olan Rusiya Hərbi Dəniz Donanmasının nümayəndəsi də geri çağırılıb.

"Report"un "RİA Novosti"yə istinadən verdiyi xəbərə görə, bu barədə jurnalistlərə Rusiya Müdafiə Nazirliyinin xüsusi nümayəndəsi, general-mayor İqor Konaşenkov deyib.

Qeyd edək ki, noyabrın 24-də səhər saatlarında Rusiyanın Suriyadakı hərbi aviasiya qrupuna məxsus "Su-24" döyüş təyyarəsi Türkiyənin hava sərhədini pozub. Türkiyə Hərbi Hava Qüvvələri ərazini tərk etmələri üçün ruslara 10 dəfə xəbərdarlıq edib. Bundan sonra Türkiyənin "F-16" qırıcıları "Su-24"ü zərərsizləşdirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi