Mozambikdə “Eloiza” fırtınası 7 minə yaxın insanı evsiz-eşiksiz qoyub

Mozambikdə “Eloiza” fırtınası 7 minə yaxın insanı evsiz-eşiksiz qoyub 9 məktəb dağıdılıb, 17 təhsil müəssisəsi və 11 xəstəxanaya ziyan dəyib
Digər ölkələr
25 Yanvar , 2021 13:17
Mozambikdə “Eloiza” fırtınası 7 minə yaxın insanı evsiz-eşiksiz qoyub

Həftəsonu Mozambiki cənginə alan və güclü yağışlara, daşqınlara və dağıntılara səbəb olan tropik “Eloiza” fırtınası nəticəsində 7 minə yaxın ölkə sakini yaşayış yerlərini tərk etmək məcburiyyətində qalıb.

“Report” TASS-a istinadən xəbər verir ki, bu barədə “Club of Mozambique” portalı məlumat yayıb.

Məlumata görə, təbii fəlakət nəticəsində əsasən Buzi, Dondon, Nyamatanda bölgələrində və Beyra şəhərində (Sofala vilayətində) 5 mindən çox ev dağılıb. Həmçinin 136 min hektardan çox ərazidə əkin sahələri su altında qalıb, 9 məktəb dağıdılıb, 17 təhsil müəssisəsi və 11 xəstəxanaya ziyan dəyib.

“Əhalinin təcili qida, içməli su, yorğan və çadır ehtiyatlarına ehtiyacı var. Bölgənin bir çox hissəsinin suyun altında qalmasını, elektrik xətlərinin zədələnməsini nəzərə alsaq, yardımların çatdırılması xüsusilə çətin olacaq”, - “ActionAid Mozambique” xeyriyyə cəmiyyətinin meneceri Marsiya Penisela portala açıqlamasında bildirib.

Mozambik Milli İdarəetmə və Riskin Azaldılması İnstitutunun məlumatına görə, “Eloiza” keçidi zamanı küləyin sürəti 41,6 metr/saniyəyə çatıb.

Son xəbərlər

Orphus sistemi