Mosulun azad edilməsi əməliyyatının başlanması rəsmən elan edilib

Bakı. 17 oktyabr. REPORT.AZ/ İraqın Mosul əyalətinin terrorçu İŞİD qruplaşmasından azad edilməsi əməliyyatı başlayıb.

"Report" Haber7-yə istinadən xəbər verir ki, bunu İraqın baş naziri Heydər əl-İbadi rəsmən elan edib.

Baş nazir dövlət televiziyası ilə çıxışında əyalətin terrorçu İŞİD qruplaşmasından təmizlənməsi əməliyyatının başladığını, Mosul şəhərinə yalnız İraq ordusu və polisinin daxil olacağını bildirib.