Mosulda İŞİD-in 6 komandiri məhv edilib

Bakı. 19 mart. REPORT.AZ/ İraq aviasiyasının Mosula endirdiyi hava zərbələri nəticəsində İŞİD terror qruplaşmasının xarici ölkələrdən olan 6 komandiri öldürülüb.

"Report"un məlumatına görə, bu barədə "Əs Sumariya" İraq kəşfiyyatına istinadən xəbər verib.

Məlumata görə, öldürülənlər arasında Rusiya vətəndaşı "Əbu Samir" ləqəbli Əbdül Kərim ər-Rusiy də var. Bununla yanaşı, öldürülən digər terrorçu komandirləri arasında Fransanın, Böyük Britaniyanın, Türkiyənin, Mərakeşin də vətəndaşları var.

Qeyd edək ki, hökumət qüvvələri tərəfindən Mosulun İŞİD yaraqlılarından azad edilməsi üzrə əməliyyat başa çatmaq üzrədir.