Yuxarı

​Moskvada silsilə terror aktları törətməyi planlaşdıran qrup üzvləri həbs edilib

Qrup üzvlərindən külli miqdarda silah, partlayıcı maddə götürülüb

Bakı. 5 May. REPORT.AZ/ Rusiya Federal Təhlükəsizlik Xidmətinin keçirdiyi operativ-axtarış tədbirləri nəticəsində paytaxt Moskvada terror aktları həyata keçirməyə çalışan bir qrup xarici ölkə vətəndaşı saxlanılıb. "Report" xəbər verir ki, bu haqda Rusiya Federal Təhlükəsizlik Xidmətinin yaydığı məlumatda bildirilir.

Məlumata görə, saxlanılanlar Suriya və Türkiyə ərazilərində fəaliyyət göstərən terror təşkilatlarının başçılarının tapşırıqları əsasında may bayramlarında Moskva regionunda silsiləli terror aktları həyata keçirməyi planlaşdırmış Mərkəzi Asiya ölkələrinin vətəndaşlarıdır.

"Qrup üzvlərindən külli miqdarda silah, partlayıcı maddə götürülüb. Fakt üzrə başlanmış cinayət işi çərçivəsində lazımlı istintaq hərəkətləri aparılır", - deyə Federal Təhlükəsizlik Xidmətindən "TASS" agentliyinə bildiriblər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi