Yuxarı
    Bağlamaq

    ​Moskva koalisiyadan İŞİD-in mövqelərini göstərməyi xahiş edib

    Bu məlumatlar hərbi tapşırıqlar zamanı nəzərə alınacaq

    Bakı. 7 oktyabr. REPORT.AZ/ Rusiya Federasiyası Müdafiə Nazirliyinin nümayəndələri ABŞ-ın rəhbərlik etdiyi koalisiyaya daxil olan dövlətlərin hərbi attaşelərinə "İraq-Şam İslam Dövləti" terror qruplaşmasına (İŞİD) məxsus bazaların yerləşdiyi ərazilər haqqıda məlumat verməyi təklif edib.

    "Report" RİA "Novosti"yə istinadən xəbər verir ki, bu barədə general-polkovnik Andrey Kartapolov məlumat verib.

    "Bizim Suriyada İŞİD terrorçularının olduğu ərazilər barədə məlumatlarımız dəfələrlə yoxlanılan və dəqiqdir. Lakin anti-İŞİD koalisiyası hərbi idarələrində terrorçular barədə əlavə məlumatlar varsa, biz onların bizə təqdim edilməsini xahiş edirik", - deyə o bildirib.

    O, həmçinin söz verib ki, bu məlumatlar Rusiya aviaqruplarının ölkədə hərbi tapşırıqları planlaşdırılan zaman nəzərə alınacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi