Monteneqroda kilsənin yaxınlığında partlayış olub

Bakı. 9 avqust. REPORT.AZ/ Montoneqronun paytaxtı Podqoritsada Müqəddəs İsa Məsihin Dirilişi kilsəsinin yaxınlığında partlayış olub.

“Report” TASS-a istinadən xəbər verir ki, bu barədə Monteneqronun dövlət televiziyası məlumat yayıb.

Məlumata görə, partlayış avqustun 9-da səhər saatlarında baş verib.

Hadisə nəticəsində ölən və yaralanan olmasa da, kilsəyə yaxın binalara və ətrafdakı avtomobillərə ziyan dəyib.

Partlayışın səsi şəhərin bütün hissələrində eşidilib.

Hadisə ilə bağlı araşdırma aparılır.