Yuxarı
    Bağlamaq

    Moldovada prezident seçkisinin ikinci turu keçirilir

    Bu turda İqor Dodon və Mayya Sandu mübarizə aparır

    Kişinyov. 13 noyabr. REPORT.AZ/ Moldovada prezident seçkilərinin ikinci turuna start verilir.

    “Report”un Şərqi Avropa bürosunun məlumatına görə, bu turda prezident vəzifəsi uğrunda mübarizə Rusiyayönümlü Sosialistlər Partiyasının sədri İqor Dodon və Moldovanın Avropaya inteqrasiya xəttini tutan Fəaliyyət və Həmrəylik Partiyasının sədri Mayya Sandu arasında gedəcək.

    Ölkədə seçkiöncəsi keçirilən sosioloji sorğuların nəticələrinə görə, əhalinin təqribən 50 faizi İ.Dodonun, 40 faizi isə M.Sandunun namizədliyini dəstəkləyir.

    Moldova Mərkəzi Seçki Komissiyasının məlumatına görə, ölkə üzrə 3,2 milyon seçici səsvermə hüququna malikdir. Moldova üzrə 1981, ölkə hüdudlarından kənar, Azərbaycan da daxil olmaqla, daha 100 seçki məntəqəsi yaradılıb. Prezident seçkisinin ikinici turunun təşkilinə dövlət büdcəsindən 2 milyon ABŞ dolları ayrılıb.

    Xatırladaq ki, oktyabrın 30-da keçirilən prezident seçkisinin birinci turunda İqor Dodon seçicilərin 47,98 faiz, Mayya Sandu isə 38,71 faiz səsini toplayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi