MKİ direktoru Ukrayna prezidenti ilə görüşüb

ABŞ-ın Mərkəzi Kəşfiyyat İdarəsinin (MKİ) direktoru Uilyam Berns Ukraynada səfərdə olub.

“Report” xəbər verir ki, bu barədə “CNN” ABŞ administrasiyasındakı iki mənbəyə istinadən məlumat yayıb.

Səfər zamanı Uilyam Berns Ukraynanın dövlət başçısı Volodimir Zelenski ilə görüşüb. Səfər əvvəlcədən planlaşdırılıb və hər hansı yeni fövqəladə vəziyyət səbəb olmayıb. Görüşlərdə Rusiyanın Ukraynaya hərbi müdaxilə ehtimalı müzakirə olunub.

Qeyd edək ki, həm Demokratlar, həm də Respublikaçılar partiyasını təmsil edən bir qrup ABŞ senatoru da Ukraynaya səfər etmişdi.