Bakı. 23 yanvar. REPORT.AZ/ Misirdə terrorçuların hücumu nəticəsində 5 polis əməkdaşı həlak olub.
"Report"un məlumatına görə, bu barədə "Masrawy" portalı xəbər verib.
Məlumata görə, hadisə Şimali Sinay vilayətində baş verib. Xəbərdə bildirilir ki, Daxili İşlər Nazirliyinin əməkdaşlarına hücum bazar günü axşam, asayiş keşikçiləri məzuniyyətə göndərilərkən qeydə alınıb.
Güc strukturları hücumun arxasında "Beyt Ənsar əl-Makdis" radikal qruplaşmasının dayandığını hesab edirlər. Bu, İŞİD-ə yaxın olan silahlı qruplaşmadır.
Terrorçuların itki verib-vermədiyi barədə məlumat verilmir.