Yuxarı
    Bağlamaq

    ​Misirdə partlayışda ölənlərin sayı 42-yə çatıb

    İsrail-Misir savaşından qalma minanın partlaması nəticəsində bir uşaq ölüb, 3 uşaq isə yaralanıb

    Bakı. 30 yanvar. REPORT.AZ/ Misirin Sinay yarımadasının şimalında yerləşən əl-Ariş rayonunda baş verən üç partlayış nəticəsində ölənlərin sayı 42 nəfərə çatıb.

    "Report" "əl-Cəzir"ə istinadən xəbər verir ki, təhlükəsizlik qüvvələri ilə yaraqlılar arasında atışma da olub.

    Məlumata görə, bombalı basqınlardan biri hərbi hissəyə, o biri isə elektrik mərkəzinə edilib.

    Həmin rayonda İsrail-Misir savaşından qalma mina da partlayıb. Hadisə nəticəsində 11 yaşlı bir uşaq ölüb, 3 uşaq isə yaralanıb.

    Xatırladaq ki, bu partlayışlar nəticəsində yaralananların sayı 70 nəfərdir.

    Qeyd edək ki, terror aksiyalarının məsuliyyətini İŞİD-in Misirdəki qolu öz üzərinə götürüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi