Yuxarı
    Bağlamaq

    Misirdə kilsədə partlayış nəticəsində ölənlərin sayı 28-ə çatıb - VİDEO - YENİLƏNİB-3

    Daha 70 nəfər yaralanıb

    Bakı. 11 dekabr. REPORT.AZ/ Misirin paytaxtı Qahirə şəhərində qibtilərin kilsəsində baş verən partlayış nəticəsində ölənlərin sayı 28 nəfərə çatıb.

    "Report" xəbər verir ki, bu barədə "Sada El Balad" nəşri məlumat yayıb.

    Xəbərə görə, daha 70 nəfər yaralanıb.

    ***15:38

    Misirin paytaxtı Qahirə şəhərində qibtilərin kilsəsində baş verən partlayış nəticəsində ölənlərin sayı 25 nəfərə çatıb. Bunlar, əsasən qadınlar və uşaqlardırlar.

    "Report" xəbər verir ki, bu barədə "CBC Extra" telekanalının efirində ölkənin səhiyyə naziri Əhməd İmad əd-Din Radı məlumat verib.

    O, partlayışın, kilsənin adətən qadınlar ibadət edən sağ qanadında baş verdiyini təsdiq edib.

    Son məlumatlara görə, partlayış zamanı onlarla insan yaralanıb.

    Misirin Daxili İşlər Nazirliyindəki mənbə yaralıların çoxunun vəziyyətinin ağır olduğunu və bu səbəbdən ölənlərin sayının artacağını bildirib.

    ***13:42

    Bu gün Misirin paytaxtı Qahirə şəhərinin Abbasiyyə rayonu ərazisindəki xristian kilsəsi yaxınlığında baş verən partlayış nəticəsində ən azı 5 nəfər ölüb, 10 nəfər yaralanıb.

    "Report" xəbər verir ki, bu barədə yerli polisə istinadən "Əl-Yaum əs-Sabia" qəzeti məlumat yayıb.

    Partlayış qibti məbədinin kafedral kilsəsi yaxınlığında baş verib.

    Türkiyənin "Anadolu" agentliyi ilkin ehtimala görə, terror aktı nəticəsində 20 nəfərin öldüyünü və 30 nəfərin yaralandığını xəbər verir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi