​Misirdə briqada generalı güllələnərək öldürülüb

Bakı. 20 sentyabr. REPORT.AZ/ Misirin Daxili İşlər Nazirliyinin Mülki İşlər üzrə İdarəsinin briqada generalı ötən gecə Sinay yarımadasında radikallar tərəfindən güllələnərək qətlə yetirilib.

"Report" xəbər verir ki, bu barədə güc strukturu idarəsinin mətbuat xidmətinin məlumatında bildirilir.

Polis əməkdaşının qətli əyalətin inzibati mərkəzi Əl-Ariş şəhərində baş verib.