Yuxarı
    Bağlamaq

    ​Misir prezidenti yeni Süveyş kanalının açılışında iştirak edəcək

    Yeni kanal 8 milyard ABŞ dolları dəyərində layihənin həyata keçirilməsi nəticəsində bir ilə qazılıb

    Bakı. 6 avqust. REPORT.AZ/ Cümə axşamı Misirdə yeni 72 kilometrlik Süveyş kanalının açılış mərasimi keçiriləcək. Bu barədə "Report" TASS-a istinadən xəbər verir.

    Mərasimin açılışına şəxsən ölkə prezidenti Abdul Fəttah əl-Sisi start verəcək.

    Bununla bağlı Misirə 50 ölkənin nümayəndə heyətinin gəlişi gözlənilir.

    Misir və bütün dünya ticarəti üçün tarixi hadisə sayılan yeni kanalın açılışı ilə əlaqdar dəniz və limanlardakı bütün gəmilər fit verəcək.

    Yeni kanal 8 milyard ABŞ dolları dəyərində layihənin həyata keçirilməsi nəticəsində bir ilə qazılıb.

    Bu kanalın istifadəsi  əvvəllər buradan keçən 49 gəmi əvəzinə gün ərzində 97 gəminin keçməsinə imkan verəcək.

    Kanal turizm obyekti olmaqla yanaşı Misir xəzinəsinə valyuta gəlirlərinin əsas mənbəyidir və ölkəyə ildə 5 milyard dollar mənfəət gətirir.

    Açılış zamanı təhlükəsizliyi qorumaq üçün 10 mindən artıq hüquq mühafizə orqanı əməkdaşları mərasimə cəlb olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi