Yuxarı
    Bağlamaq

    Misir iki mübahisəli adanı Səudiyyə Ərəbistanına qaytaracaq

    Misir Parlamentinin Konstitusiya Komissiyası iki adanın Səudiyyə Ərəbistanına verilməsini təsdiq edib

    Bakı. 13 iyun. REPORT.AZ/ Misir Parlamentinin Konstitusiya və qanunvericilik məsələləri üzrə Komitəsi səs çoxluğu ilə Qırmızı dənizdə yerləşən iki mübahisəli adanın - Tiran və Sanafirin Səudiyyə Ərəbistanına verilməsini təsdiqləyib.

    "Report" TASS-a istinadən xəbər verir ki, bu barədə "Al-Youm al-Sabia" informasiya portalı məlumat yayıb.

    İndi məsələ deputatların ümumi səsverməsinə çıxarılacaq.

    Qeyd edək ki, Səudiyyə Ərəbistanı və Misir hökuməti dövlətlər arasında dəniz sərhədinin demarkasiyası haqqında sazişi ötən il Qahirədə imzalayıb. Qanunvericiliyə görə, sənədi parlament ratifikasiya etməlidir. Səudiyyə Ərəbistanının qanunverici orqanı sazişi qısa müddətdə təsdiq etsə də, Misir tərəfində adaların qonşu dövlətə verilməsi qızğın mübahisələrə, etiraz aksiyalarlna və müxtəlif instansiyalarda məhkəmə çəkişmələrinə səbəb olub.

    Misir hökuməti adaların Ər-Riyadın ixtiyarına veriləcəyi halda belə, Qahirənin adalar üzərində inzibati nəzarəti əldə saxlayacağını qeyd edib.

    Ər-Riyad isə qarşı tərəfi parlamentin sənədi ratifikasiya etməyəcəyi təqdirdə onları beynəlxalq məhkəməyə verəcəyi ilə hədələyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi