Yuxarı

Minlərlə moldovan Rumıniya ilə birləşməyi tələb edən mitinqə qatılıb

Rəy sorğuları göstərib ki, moldovanların 10-20 faizi Rumıniya ilə birləşmək tərəfdarıdır

Bakı. 17 May. REPORT.AZ/ Minlərlə moldovan ölkə paytaxtı Kişinyovda Moldovanın qonşu Rumıniya ilə birləşməsini tələb edən mitinqə çıxıb.

"Report"un Azadlıq radiosuna istinadən verdyi xəbərə görə, nümayişi təşkil edən “2012 hərəkatı” qrupunun liderləri bəyan edib ki, aksiyada 25 min adam iştirak edib. Polis bu rəqəmin 5 min olduğunu bildirir.

Eirazçılar deyiblər ki, Moldovanın sosial problemlərini həll etməyin yeganə yolu ölkənin Rumıniya ilə birləşməsidir.

Təşkilatçılar bu mitinqi Bessarabiyanın Rusiya İmperiya tərəfindən zəbt olunmasının 203-cü ildönümü günündə keçiriblər.

Bu nümayişdən əvvəl “2012 hərəkatı”nın lideri George Simion ölkənin təhlükəsizliyinə hədə təşkil etdiyi üçün 5 il müddətinə Moldovodan deportasiya edilib.

Rumıniya vətəndaşı olan Simion aksiyanın təşkilində kömək etmək üçün Kişinyova gəlmişdi.

Moldova və Rumıniya arasında sıx əlaqələr mövcuddur.

Rəy sorğuları göstərib ki, moldovanların 10-20 faizi Rumıniya ilə birləşmək tərəfdarıdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi