Ukraynada ağır yol qəzası baş verib, ölənlər və yaralananlar var

Bakı. 1 yanvar. REPORT.AZ/ Ukraynada ağır yol qəzası baş verib.

"Report" TASS-a istinadən xəbər verir ki, hadisə Nikolayevsk vilayətində qeydə alınıb.

"Opel Astra" və "Mazda-6" avtomobillərinin toqquşması nəticəsində 8 nəfər ölüb. Məlumata görə, ölənlər arasında 3 uşaq da var.

Qəza zamanı həmçinin daha 2 nəfər də yaralanıb. Yaralılar xəstəxanaya yerləşdirilib. 

Bir müddət əvvəl Ukraynada yol qəzasında dörd politoloq və bir jurnalist ölüb.