Yuxarı

Merkel: "Qadınlara hücum edənlər deportasiya oluna bilər"

Almaniya qanunlarına tabe olmaq istəməyənlərə “birmənalı siqnal” göndərilməlidir

Bakı. 8 yanvar. REPORT.AZ/ Köln şəhərində qadınlara hücum faktlarından sonra Almaniya cinayətlərə görə məhkum edilmiş şəxslərin deportasiya məsələsinə yenidən baxmalıdır.

"Report"un BBC-yə istinadən verdiyi xəbərə görə, bunu Almaniyanın kansleri Angela Merkel bildirib.

Onun sözlərinə görə, Almaniya qanunlarına tabe olmaq istəməyənlərə “birmənalı siqnal” göndərilməlidir.

"Almaniya belə iyrənc cinayətlərə dözməyəcək. Şəxsən mənim üçün bu yolverilməzdir", - deyə Merkel vurğulayıb.

Köln şəhərində yeni il gecəsi qadınlara hücum edən kişilərin zahirən Şimali Afrika və ərəb mənşəli şəxslərə bənzədiyi xəbər verilir.

Almaniya polisi hücum edənlərdən 16-nın şəxsiyyətini müəyyən edib, lakin həbslər həyata keçirilməyib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi