Mərakeşin Tubkal dağında iki avropalı turist qətlə yetirilib

Bakı. 18 dekabr. REPORT.AZ/ Mərakeşin ən yüksək zirvəsi olan Tubkal dağının ətrafında iki avropalı turist qətlə yetirilib.

“Report” RİA "Novosti"yə istinadən xəbər verir ki, bu barədə EFE nəşri məlumat yayıb.

Bildirilir ki, Norveç və Danimarkadan olan turistlərin meyitləri bazar ertəsi səhər fransalı turistlər tərəfindən aşkar edilib. Hər iki alpinistin boyun nahiyəsində bıçaq yaraları olub.

Atlas dağlarının Tubkal zirvəsi Afrikanın şimal-qərbində, dəniz səviyyəsindən 4165 metr yüksəklikdə yerləşir.

Daha əvvəl dünyanın ən çox turist cəlb edən məkanları açıqlanıb.