Meksikada ötən gün koronavirus infeksiyasına 7 246 yeni yoluxma faktı qeydə alınıb.
“Report” xəbər verir ki, bu barədə Meksika Səhiyyə Nazirliyinin Epidemiologiya Şöbəsi məlumat yayıb.
Son 24 saat ərzində COVID-19 üçün götürülən analiz nümunələri müsbət çıxmış 783 nəfər vəfat edib.
İndiyədək Meksikada ümumilikdə 2 084 128 nəfərin koronavirus infeksiyasına yoluxması faktı müəyyən edilib, onlardan 185 257 nəfər vəfat edib.
Müalicə alan 1,6 milyondan çox pasiyent sağalıb, 268 mindən xəstənin vəziyyəti isə ağırdır.