Bakı. 17 iyun. REPORT.AZ/ Meksikada sərnişin avtobusu qəzaya uğrayıb.
"Report" xarici mətbuata istinadən xəbər verir ki, hadisə Halisko ştatında, Tlakepake şəhəri ərazisində baş verib.
Qəza zamanı 7 nəfər həlak olub, daha 29 nəfər yaralanıb. İlkin məlumata görə, hadisəyə səbəb sürücünün sürəti artırması olub. O, hadisə yerindən qaçaraq gizlənib. Hüquq-mühafizə orqanları sürücünün axtarışına başlayıb.
Yaralılar xəstəxanaya yerləşdirilib.