​Meksikada qasırğa zamanı 10 nəfər həlak olub

Bakı. 25 may. REPORT.AZ/ Meksikanın sərhəd şəhəri Syudad-Akunyada on nəfərin ölümü ilə nəticələnən dağıdıcı qasırğa baş verib.

"Report" "Reuters"ə istinadən xəbər verir ki, bu barədə şəhər meri Evaristo Lenin Peres məlumat verib.

"Ölənlərin əksəriyyəti öz evlərində deyil, bayırda olublar", - deyə o qeyd edib.

Təbii fəlakət nəticəsində yüzlərlə evə ziyan dəyib.