Yuxarı
    Bağlamaq

    Meksikada neft zavodunda partlayış nəticəsində 3 nəfər ölüb, 105 nəfər yaralanıb - VİDEO - YENİLƏNİB

    İnsident Verakrus ştatında Pemex şirkətinin müəssisəsində baş verib

    Bakı. 21 aprel. REPORT.AZ/ Meksikanın Verakrus ştatında "Pemex" neft şirkətinə məxsus zavodda baş verən partlayış nəticəsində yaralananların sayı 105 nəfərə çatıb, 3 nəfər ölüb.

    "Report" xəbər verir ki, bu barədə cümə axşamı ştat rəhbəri Xavyer Duarte öz "twitter" mikrobloqunda yazıb.

    Onun sözlərinə görə, bütün yaralılar xəstəxanaya yerləşdirilib, onların 58 nəfəri müəssisənin əməkdaşlarıdırlar.

    ***04:16

    Meksikanın Verakrus ştatında "Pemex" neft şirkətinə məxsus zavodda baş verən partlayış nəticəsində 3 nəfər həyatını itirib.

    "Report" xəbər verir ki, bu barədə cümə axşamı ştatın qubernatoruna istinadən "Reuters" məlumat yayıb.

    ***03:28

    Meksikanın Verakrus ştatında "Pemex" neft şirkətinə məxsus zavodda baş verən partlayış zamanı yaralıların sayı 40 nəfərə çatıb.

    "Report" xəbər verir ki, bu barədə ştatın ictimai təhlükəsizlik naziri Arturo Bermudesə istinadən "Reuters" məlumat yayıb

    Nazir ölənlər barədə məlumatın olmadığını bildirib. Onun sözlərinə görə, partlayışdan sonra baş verən yanğını nəzarətə götürmək mümkün olub.

    Şirkətin özünün məlumatına görə isə, yaralıların sayı 30 nəfərdir.

    ***02:18

    Meksikanın "Clorados 3" neft müəssisəsində partlayış baş verib, hadisə nəticəsində ən azı 3 nəfər yaralanıb.

    "Report" xəbər verir ki, bu barədə Meksikanın "Petroleos Mexicanos" (Pemex) şirkətinin "twitter" səhifəsində məlumat verilib.

    Zavod "Pemex" və "Mexichem" tərəfindən idarə olunan "Petroquímica Mexicana de Vinilo" şirkətinə məxsusdur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi