Bakı. 28 yanvar. REPORT.AZ/ Meksikanın şimalında hücum zamanı 7 nəfər güllələnib, daha 1 nəfər xəsarət alıb.
"Report"un məlumatına görə, bu barədə "Vanguardia" qəzeti Nuevo-Leon ştatının Baş Prokurorluğundakı mənbəyə istinadən xəbər verib.
Xəbərdə bildirilir ki, hadisə Monterreyo yaxınlığındakı şəhərdə, yaşayış evində baş verib. Silahlı qrup üzvləri evə soxularaq atəş açıblar. Nəticədə 7 nəfər hadisə yerində, daha 1 nəfər isə xəstəxanada ölüb.
"Mundo" qəzetinin məlumatına görə, yaralı şəxs də sonradan ölüb. Məlumata görə, hücuma məruz qalanlar hadisə zamanı futbol matçına baxırmış.
Qətlin azı 4 nəfər tərəfindən həyata keçirildiyi bildirilir. Onlar üzlərini başlıqla (paltarların yaxasına tikilən papaq – kapyuşon - red) bağlayıblar.
Hazırda hücumun səbəbləri araşdırılır.