Yuxarı
    Bağlamaq

    Meksikada qətlə yetirilmiş insanların cəsədlərini daşıyan qrupun üzvləri saxlanılıb

    Quldurların qurbanlarının cəsədlərini torbalardan çıxararaq basdırmaq fikrində olduqları ehtimal edilir

    Bakı. 19 dekabr. REPORT.AZ/ Meksikanın Xalisko ştatında 5 nəfərin cəsədini daşıyan 10 nəfərdən ibarət qrupun üzvləri saxlanılıb.

    "Report" xəbər verir ki, bu barədə "Notisistema" portalı məlumat yayıb.

    Portalın məlumatına görə, şübhəli şəxslər Tlakepake şəhərindəki boş torpaq sahəsində müəyyən ediliblər. Onlar torbalara yerləşdirilmiş silahların və insan cəsədlərinin olduğu iki avtomobildə saxlanılıblar.

    Quldurların öz qurbanlarının cəsədlərini torbalardan çıxarmaq və onları basdırmaq fikrində olduqları ehtimal edilir. Cəsədlərin üzərində zorakılıq izləri müəyyən edilib. Meksika ordusunun hərbi qulluqçuları cinayətkarların tutulması üzrə əməliyyat keçiriblər.

    Qeyd olunur ki, Xalisko Meksikanın ən böyük cinayətkar qruplaşmalarından birinin - "Xalisko-Yeni nəsil" kartelinin irsi torpağı hesab edilir. 2015-ci ildə kartelin üzvləri Qvadalaxara şəhərinə hücüm ediblər və hərbi vertolyotu vurublar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi