Yuxarı
    Bağlamaq

    ​Meksikada baş vermiş silahlı insident nəticəsində 2 nəfər öldürülüb, 5 nəfər yaralanıb

    Naməlum şəxs məclisin qızğın vaxtı gözlənilmədən iştirakçılara odlu silahdan atəş açıb

    Bakı. 10 avqust. REPORT.AZ/ Meksikanın Monterre şəhərində naməlum şəxsin yerli musiqi qrupu rəhbərinin doğum günü münasibətilə keçirilən şənliyə toplaşmış insanlara açdığı atəş nəticəsində ən azı 2 nəfər ölüb, 5 nəfər xəsarət alıb.

    "Report"un məlumatına görə, bu barədə "Notisistema" portalına yerli polisdən məlumat verilib.

    İlkin məlumata görə, naməlum şəxs məclisin qızğın vaxtı gözlənilmədən iştirakçılara odlu silahdan atəş açıb.

    Nəticədə gənc iştirakçılardan 2-i hadisə yerində ölüb. Musiqi qrupunun 5 üzvü isə xəsarət alıb.

    Polis bildirib ki, doğum günü şənliyinin keçiriləcəyi vaxt və yer barədə sosial şəbəkədə məlumat verildiyindən cinayətkar bu əməlini əvvəlcədən planlaşdırıb.

    Hadisənin səbəbləri barədə məlumat yoxdur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi