Meksikada bara hücum nəticəsində 5 nəfər ölüb

Meksikanın Gerrero ştatının Akapulko kurort şəhərində naməlum şəxslərin bara hücum etməsi nəticəsində azı 5 nəfər ölüb, 6 nəfər yaralanıb.

Bu barədə "Report" "RİA Novosti"yə istinadən xəbər verir.

Yerli KİV ştat prokurorluğuna istinadən yazıb ki, hadisə yerində 4 ölü və 7 yaralı aşkar edilib, yaralılardan biri daha sonra xəstəxanada keçinib.

Hücum faktı ilə əlaqədar bir şübhəli şəxs saxlanılıb. Prokurorluq hadisənin başvermə şəraitini araşdırır.