Yuxarı

​Məkkədəki qəzada ölənlərin ailələrinə veriləcək təzminatın məbləği açıqlanıb

Xəsarət alanlara isə yaralanma dərəcələrinə görə təzminat veriləcək

Bakı. 15 sentyabr. REPORT.AZ/ Səudiyyə Ərəbistanının Məkkə şəhərində Məscidül-Haramda baş verən qəza nəticəsində həyatlarını itirənlərin ailələrinə 80 min dollar məbləğində təzminat veriləcək.

"Report" xəbər verir ki, bu haqda "Anadolu" agentliyi məlumat yayıb.

Xəbərdə bildirilib ki, xəsarət alanlara isə yaralanma dərəcələrinə görə təzminat veriləcək. Bunun məbləğini Səudiyyə Ərəbistanının məhkəmələri müəyyənləşdirəcək. 

Qeyd edək ki, sentyabrın 11-da Məkkədə Məscidül-Haramda qaldırıcı kran aşıb. Ərazidə aparılan təmir işlərində istifadə olunan kranın aşması nəticəsində 107 nəfər ölüb, 238 zəvvar yaralanıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi