Yuxarı

​Məkkə yaxınlığında terror aktının qarşısı alınıb

Atışma zamanı bir nəfər ölüb

Bakı. 8 may. REPORT.AZ/ Səudiyyə Ərəbistanının hüquq-mühafizə orqanları Məkkə şəhəri yaxınlığında yerləşən Ət-Taif rayonunun polis bölməsi qarşısında terror aktının qarşısını alıb. Atışma zamanı bir güc strukturu əməkdaşı ölüb.

"Report" xəbər verir ki, bu barədə Krallığın Daxili İşlər Nazirliyinə istinadən yerli "Əl-İhbariyə" dövlət telekanalı məlumat yayıb.

DİN rəsmisinin məlumatına görə, gecə saatlarında iki naməlum şəxs bölmə yaxınlığındakı avtomobil parkına daxil olmağa cəhd göstərib.

"Polisləri görən canilər onlara atəş açıblar, Sonra isə dağ kəndləri istiqamətində maşınla aradan çıxıblar. Orada onları taparaq mühasirəyə almaq mümkün olub. Əməliyyat zamanı kamikadze kəməri və partlayıcı maddələr götürülüb. Atışma zamanı sıravi polis işçisi Səid əl-Harisi ölüb", - deyə o bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi