Yuxarı
    Bağlamaq

    Məhkəmə Boris Nemtsovun qatilini 20 il müddətinə azadlıqdan məhrum edib

    Məhkəmə həmçinin Dadayevi leytenant rütbəsindən və Cəsarət ordenindən məhrum edib

    Bakı. 13 iyul. REPORT.AZ/ Moskva Hərbi Dairə Məhkəməsi rusiyalı siyasətçi Boris Nemtsovu qətlə yetirən killer Zaur Dadayevi 20 illik həbs cəzasına məhkum edib.

    "Report" RİA "Novosti"yə istinadən xəbər verir ki, o, cəzasını ağır rejimli cəzaçəkmə müəssisəsində çəkəcək.

    Qeyd edək ki, prokurorluq Z,Dadyevin ömürlük azadlıqdan məhrum edilməsini istəyirdi.

    Məhkəmə, əlavə olaraq, məhkuma 100 min rubl (1660 dollar) məbləğində pul cəzası kəsib, eləcə də onu leytenant rütbəsindən Cəsarət ordenindən məhrum edib.

    Hökm Dadayevi günahkar bilən və cəzanın yüngülləşməsinə ehtiyac olmadığı qənaətinə gələn andlı iclasçıların rəyi əsasında verilib.

    Xatırladaq ki, müxalif siyasətçi Boris Nemtsov 2015-ci il fevralın 27-də axşam saatlarında qətlə yetirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi