MAR-da Rusiya hərbi bazası yaradıla bilər

Bakı. 10 yanvar. REPORT.AZ/ Mərkəzi Afrika Respublikasında (MAR) Rusiyanın hərbi bazası yaradıla bilər.

"Report" xəbər verir ki, bu barədə RİA "Novosti"yə müsahibəsində MAR-in müdafiə naziri Mari Noel Koyara bildirib.

Onun sözlərinə görə, ölkələr arasında artıq bağlanmış çərçivə sazişi belə bazanın yaradılmasını istisna etmir.

Nazir qeyd edib ki, Berenqoda yerləşən Rusiya hərbi təhsil mərkəzini hərbi baza hesab etmək düzgün deyil.

Ötən il MAR-da rusiyalı jurnalistlər, o cümlədən Orxan Camal qətlə yetirilib.