Maltada təyyarə binaya çırpılıb

Bakı. 28 dekabr. REPORT.AZ/ Maltadakı beynəlxalq hava limanında "Dassault Falcon 7X" şəxsi biznes-klass təyyarəsi binaya çırpılıb.

"Report" "Times of Malta" qəzetinə istinadən xəbər verir ki, ilkin məlumatlara görə, təyyarə güclü küləyin təsiriylə yerindən tərpənib.

Təyyarənin çırpıldığı binada tikinti şirkətlərindən birinin ofisləri olub. Hadisə baş verən zamanı ofisdə heç kim olmayıb.

Faktla bağlı araşdırma aparılır.