Malinin devrilmiş prezidenti xəstəxanaya yerləşdirildi

Malinin devrilmiş prezidenti İbrahim Bubakar Keyt özəl klinikaya yerləşdirilib.

“Report”un məlumatına görə, bu barədə mənbələrə istinadən “Accociated Press” agentliyi bildirib.

75 yaşlı Keytin vəziyyəti haqqında informasiya yoxdur. Həmçinin onun bu şəraitdə xaricə müalicəyə göndərilib-göndərilməyəcəyi məlum deyil.

Daha əvvəl bildirilib ki, qiyamçılar devrilmiş prezidenti azad ediblər. Keyt paytaxt Bamako ətrafındakı Sebenikorodakı iqamətgahına çatdırılıb. İqamətgah qiyamçıların nəzarəti altındadır.