Yuxarı
    Bağlamaq

    ​Malidə otelə hücum nəticəsində ümumilikdə 21 nəfər öldürülüb

    Daha yeddi nəfərin yaralandığı bildirilir

    Bakı. 21 noyabr. REPORT.AZ/ Mali prezidenti İbrahim Bubakar Keyta ölkə paytaxtı Bamakoda otelə hücum və insanların girov götürülməsi nəticəsində 19 nəfərin öldüyünü və 7 nəfərin yaralandığını bildirib.

    "Report" "Reuters"ə istinadən xəbər verir ki, o, hücumu təşkil edən iki yaraqlının öldürüldüyünü də əlavə edib.

    Beləliklə, ölənlərin ümumi sayı 21 nəfər təşkil edir.

    Bundan əvvəl, BMT-nin sülhməramlı missiyasının məlumatına görə, Malidəki "Radisson Blu" mehmanxanasında 27 nəfərin meyitinin aşkarlandığı bildirilmişdi.

    Noyabrın 20-si səhər saatlarında sözügedən oteldə atışma səsləri eşidilib. Daha sonra təqribən 170 nəfər girov götürülüb.

    Oteldə törədilən terror aktına görə məsuliyyəti "Əl-Qaidə" terror təşkilatı öz üzərinə götürüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi