Malayziyda ticarət mərkəzində partlayış olub, 3 nəfər ölüb, 29 nəfər xəsarət alıb

Bakı. 4 dekabr. REPORT.AZ/ Malayziyanın Kalimantan adasında yerləşən Kuçinq şəhərinin ticarət mərkəzlərindən birində baş verən partlayış nəticəsində 3 nəfər ölüb, 29 nəfər xəsarət alıb.

“Report” “RİA Novosti”yə istinadən xəbər verir ki, bunu ölkənin Yanğından Mühafizə və Xilasetmə Departamentinin başçısı Xiruddin Drahman bildirib.

Onun sözlərinə görə, ölənlər ticarət mərkəzinin əməkdaşlarıdır: “Xəsarət alanların isə dördünün vəziyyəti ağırdır”.

Partlayışın səbəbi hələlik məlum deyil.