Malayziyada yeni kral seçilib

Bakı. 14 oktyabr. REPORT.AZ/ Malayziyada yeni kral seçilib.

"Report" TASS-a istinadən xəbər verir ki, növbəti beş il ərzində kral Kelantan ştatının sultanı V Məhəmməd olacaq.

Bu barədə məlumat Hökmdarlar Şurasının 9 üzvü (irsi sultanlar) arasında kral rəsmi iqamətgahı olan İstana Neqara sarayında keçirilən gizli səsvermənin yekununda elan edilib.

Ənənəyə görə, monarx taxt-taca bu il dekabrın 13-də sahib olacaq.

Qeyd edək ki, buna qədər Əbdül Halim Muadzam Şah müasir Malayziya tarixində ilk dəfə iki beş illik müddətə hökmdar olub.