Malayziyada qocalar evində yanğın zamanı beş nəfər ölüb

Bakı. 13 dekabr. REPORT.AZ/ Malayziyanın Kacanq şəhərində qocalar evində baş vermiş yanğın nəticəsində azı 5 nəfər həyatını itirib.

“Report” xəbər verir ki, bu barədə "Star" nəşrinə istinadən RİA "Novosti" məlumat yayıb.

Jurnalistlərin məlumatına görə, ölənlər arasında üç yaşlı uşaq da var.

Hazırda hadisə yerində fövqəladə hallar və hüquq-mühafizə orqanları əməkdaşları işləyir. Hadisənin baş verdiyi şərait və səbəbləri araşdırılır.