Malayziyada nazirlərin maaşı 10% azaldılacaq

Bakı. 24 may. REPORT.AZ/ Malayziyanın yeni baş naziri Maxatxir Məhəmməd bəyan edib ki, nazirlərin maaşları 10% azaldılacaq. 

"Report" xarici mətbuata istinadən xəbər verir ki, hökumət başçısı həmçinin bəzi dövlət qurumlarının ləğv olunacağını da deyib. 

Söhbət ölkənin Xarici kəşfiyyat təşkilatından, Milli innovasiya agentliyindən, Qlobal innovasiya və incəsənət mərkəzi, Yerüstü nəqliyyat komissiyasından və s.-dən gedir. 

Yeni baş nazir həmçinin deyib ki, bundan əvvəlki hökumətin iri infrastruktur layihələri təftiş olunacaq.