Mahmud Abbas və Roma Papası Vatikanda Fələstin səfirliyinin açılmasını müzakirə ediblər

Bakı. 14 yanvar. REPORT.AZ/ Roma Papası Fransisk Vatikanda Fələstin prezidenti Mahmud Abbası qəbul edib.

"Report" "Qazeta.ru"ya istinadən xəbər verir ki, pontifik və M.Abbasın söhbəti 23 dəqiqə davam edib, tərəflər bir-birinə hədiyyələr təqdim ediblər. 

Söhbətin əsas mövzusu Vatikanda Fələstin səfirliyinin açılması məsələsi olub. Fələstin dövlət başçısı rəsmi açılışda iştirak etmək üçün gəlib. 

"Bu, Papanın Fələstin xalqını və sülhü sevdiyinin əlamətidir", - Mahmud Abbas Roma Papası ilə görüşdən sonra bildirib.