Mahmud Abbas Fələstinin yeni Baş nazirini təyin edib

Fələstin Prezidenti Mahmud Abbas ölkənin yeni Baş naziri vəzifəsinə Məhəmməd Mustafanı təyin edib.

"Report" bu barədə TRT-yə istinadən xəbər verir.

Bundan əvvəl Məhəmməd Mustafa Fələstin İnvestisiya Fondunun rəhbəri olub.

Mahmud Abbas yeni baş naziri Fələstin xalqının maraqlarını qorumağa çağırıb.

Qeyd edək ki, fevralın 26-da Fələstinin keçmiş baş naziri Məhəmməd Ştayye hökumətinin istefa verdiyini elan edib.