​Mahmud Abbas: "Artıq 137 ölkə Fələstini dövlət kimi tanıyıb"

Bakı. 1 oktyabr. REPORT.AZ/ Fələstin xalqının qlobal səviyyədə tanınmış öz müqəddəratını təyin etmə, azadlıq və müstəqillik hüququ ayrılmaz və danılmazdır.

"Report" xəbər verir ki, bunu BMT Baş Assambleyasının tribunasından Fələstin Muxtariyyətinin prezidenti Mahmud Abbas bildirib.

O xatırladıb ki, dünyanın artıq 137 ölkəsi Fələstini dövlət kimi tanıyıb və o, digər dövlətləri də onlardan nümunə götürməyə çağırıb.

Bununla yanaşı, Abbas bildirib ki, Fələstin İsrailin əməl etməməsi səbəbindən Oslo sazişlərinin müddəalarına riayət etmək niyyətində deyil.