Yuxarı
    Bağlamaq

    Madrid Belçika məhkəməsinin Puçdemonla bağlı qərarına hörmət etdiyini bildirib

    Bakı. 6 noyabr. REPORT.AZ/ "İspaniya hökuməti Belçika məhkəməsinin Karles Puçdemon və regional hökumətin sabiq dörd üzvünə dair qərarına hörmətlə yanaşır".

    "Report" TASS-a istinadən xəbər verir ki, bunu İspaniyanın baş nazirinin müavini, ölkənin ərazi idarəsinin naziri Soraya Saens de Santamariya bildirib.

    "İspaniyanın, Belçikanın və ümumiyyətlə, hakimiyyət bölgüsünə və məhkəmə orqanlarının müstəqilliyinə hörmət edən bütün dövlətlərin məhkəmələrinin qərarlarına sonsuz hörmətlə yanaşırıq", - deyə baş nazirin müavini vurğulayıb.

    Xatırladaq ki, noyabrın 3-də İspaniya Milli Məhkəmə Kollegiyası hazırda Belçikada olan Kataloniya Muxtar Vilayətinin keçmiş rəhbəri K.Puçdemon və Muxtariyyət hökumətinin dörd keçmiş üzvünün həbs edilməsi barədə qərar verib. Noyabrın 5-də Kataloniyanın keçmiş lideri və tərəfdaşları könüllü şəkildə Brüssel polisinə gedib.

    Təqsirləndirilənlər dinlənildikdən sonra belçikalı hakim Puçdemon və tərfdaşlarının azadlıqda qalmasına dair qərar qəbul edib. Amma onlara Krallığın ərazisini tərk etmək qadağan edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi