Bakı. 5 sentyabr. REPORT.AZ/ Dünyada yaranmış miqrant axını problemi Avropa İttifaqının yeritdiyi məsuliyyətsiz siyasətin nəticəsidir. "Report"un "TASS"a istinadən verdiyi xəbərə görə, bunu Macarıstanın xairici işlər naziri Peter Siyyatro ölkəsində mühacirlərlə bağlı baş verənləri şərh edərkən bildirib.
"Macarıstandakı vəziyyət iki məsələnin nəticəsidir. Bunlardan birincisi, Avropa İttifaqının miqrasiya siyasətinin uğursuzluğu, ikincisi isə avropalı siyasətçiləri tərəfindən verilən məsuliyyətsiz bəyanatlardır", - deyə nazir vurğulayıb.
Qeyd edək ki, bu gün Lüksemburqda Avropa İttifaqı ölkələri xarici işlər nazirlərinin miqrasiya böhranı ilə bağlı ikigünlük görüşü işə başlayıb.