Yuxarı
    Bağlamaq

    Macarıstan prezidenti ikinci müddətə seçilib

    Yanoş Ader səsvermə zamanı parlament üzvlərinin əksəriyyətinin səsini qazanıb

    Bakı. 13 mart. REPORT.AZ/ Macarıstan parlamenti səsvermənin ikinci mərəhələsində Yanoş Aderi ikinci müddətə yenidən prezident seçib.

    "Report" "Reuters"ə istinadən xəbər verir ki, Y.Ader səsvermə zamanı parlamentarilərin əksəriyyətinin səsini qazanıb.

    Belə ki, 170 deputatdan 131-i onun lehinə səs verib. Eyni zamanda, müxalifətin namizədi, Baş nazir Viktor Orbanın tənqidçisi Laslo Mayteni cəmi 39 səs toplayıb.

    Qeyd edək ki, səsvermənin birinci mərhələsində namizədlərdən heç biri qələbə qazanmaq üçün zəruri olan həddi - deputatların 2/3-nin səsini qazana bilmədiyinə görə, ikinci mərhələ keçirilib.

    Köhnə-yeni dövlət başçısının yeni prezidentlik müddəti bu il mayın 10-da başlayacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi