​Luqansk kasset bombaları ilə atəşə tutulub

Bakı. 30 yanvar. REPORT.AZ/ ATƏT-in xüsusi monitorinq missiyası Luqanskın cənub-qərb hissəsinin kasset bombalarından istifadə olunmaqla atəşə tutulduğunu bəyan edib.

"Report" xəbər verir ki, bu barədə missiyanın hesabatında bildirilir.

Missiya nümayəndələri yanvarın 28-də Luqanskın cənub-qərb hissəsinin Artyomovski rayonunda olublar. Onlar yanvarın 27-si gecə saatlarında atəşə tutulma nəticəsində dəyən ziyanın miqyasını qiymətləndiriblər.