Lukaşenko Polşa-Belarus sərhədindəki qaçqınlarla bağlı təklif verib

“Lukaşenko Merkelə bildirmişdi ki, Avropa Birliyi 2 min qaçqın üçün humanitar koridor yaratmalıdır. Qalan qaçqınların ölkəsinə qayıtmasına Minsk yardım göstərəcək”.

“Report” xəbər verir ki, bu barədə Belarus prezidentinin mətbuat xidmətinin rəhbəri Natalya Eysmont açıqlama verib.

O, Avropa Birliyinin razılaşmaya əməl etmədiyini və ekspert səviyyəsində belə danışıqların aparılmadığını söyləyib.

Belarus rəsmisi hazırda ölkədə 7 min qaçqının olduğunu əlavə edib.