Lukaşenko: "Heç kəsə Belarus xalqını və dövlətini aşağılamağa icazə verilməyəcək"

Bakı. 7 yanvar. REPORT.AZ/ Heç kəsə Belarus xalqını və dövlətini aşağılamağa icazə verilməyəcək".

"Report" "BELTA" agentliyinə istinadən xəbər verir ki, bu sözləri Belarus prezidenti Aleksandr Lukaşenko deyib.

Dövlət başçısı bildirib ki, ölkə və dövlət heç kimə verilməyəcək. "Siz fəaliyyətimizin əsas düsturunu anlamalısınız: - biz heç kəsə bizim xalqımızı və dövləti alçaltmağa icazə verməyəcəyik. Bu, əsasdır. Əgər kimsə bunu anlamırsa, onunla münasibətlər qurulmayacaq və danışıqlar olmayacaq" – deyə Belarusun dövlət başçısı bildirib.

"Biz heç kəsə bu torpağı və bu dövləti verə bilmərik. O çətin tarixi şəraitdə bizə çatdı. Biz torpağımızı müdafiə edən insanların böyük hissəsini itirdik" – deyə Lukaşenko əlavə edib.

Prezident qeyd edib ki, əsas məsələ sabitliyi təmin etməkdir. "Qalan hər şeyi əldə edəcəyik. Əsas dinclik və əmin-amanlıqdır" – deyə o vurğulayıb.