Bakı. 1 yanvar. REPORT.AZ/ Londonda sutka ərzində 4 nəfər bıçaq yarasından dünyasını dəyişib.
“Report” xəbər verir ki, bu barədə Skotlend-Yardın saytında məlumat yerləşdirilib.
İdarədən bildirildiyinə görə, cinayət hadisəsi bir-biri ilə əlaqəli deyil. Onlardan üçü dekabrın 31-i, daha biri isə yanvarın 1-i baş verib.
Bununla belə, qeyd olunur ki, bir iş üzrə 5 nəfər şübhəli şəxs saxlanılıb.
Eyni zamanda, polis yanvarın 1-i daha bir nəfərin bıçaqlandığını bildirib. Hazırda yaralı xəstəxanadadır.