Londonda parlament binası yaxınlığında əli bıçaqlı kişi saxlanılıb

Bakı. 16 iyun. REPORT.AZ/ Londonda polis parlament binası yaxınlığında bıçaqla silahlanmış kişi saxlayıb.

"Report" BBC-yə istinadən xəbər verir ki, polis heç kimin zərər görmədiyini bildirib.

Saxlanılan şəxsin terror hücumu törətmək niyyətinin olmadığı məlumatda qeyd olunur.

Qeyd edək ki, ardıcıl terror aktlarından, o cümlədən bu il martın 22-də Vestminster körpüsündə baş verən hücumdan sonra Londonda təhlükəsizlik tədbirləri gücləndirilib.

O zaman Böyük Britaniya vətəndaşı Xalid Məsud idarə etdiyi avtomobili yoldan keçənlərin üstünə sürüb, nəticədə 4 nəfər həlak olub. Ardından parlament binası qarşısında maneəyə çırpılan baiskar bıçaqla postda dayanan polis əməkdaşı Kit Palmerə hücum edib. Palmer aldığı yaralardan həlak olub, Məsudu isə digər polis əməkdaşları öldürüb.