Yuxarı
    Bağlamaq

    Londonda 130 imam terrorçulara cənazə namazı qılmaqdan imtina edib

    İstifadəçilər sosial şəbəkələrdə başqa imamları da eyni hərəkəti etməyə çağırıblar

    Bakı. 6 iyun. REPORT.AZ/ Londonda 130 imam terror hücumlarını qınayaraq ölən basqınçılar üçün cənazə namazı qılmaqdan imtina ediblər.

    “Report” "Haber7"yə istinadən xəbər verir ki, istifadəçilər sosial şəbəkələrdə başqa imamları da eyni hərəkəti etməyə çağırıblar.

    Londonun şərqində məsciddə keçirilən mərasimdə çıxış edənlər ekstremizmə qarşı mübarizə aparacaqlarını, terrorun dininin olmadığını, baş verənlərin İslama heç bir halda uyğun gəlmədiyini vurğulayıblar.

    Londonun şərqindəki məscidin və London Müsəlman Mərkəzinin nümayəndəsi Məhəmməd Habibur-Rahman terror və ona oxşar əməllərin İslamın ali prinsipləri ilə daban-dabana ziddiyyət təşkil etdiyini bildirib: “Bizi bölməyə çalışanlara qarşı birlikdə olacağıq”.

    Qeyd edək ki, iyunun 4-nə keçən gecə "London-Bric” körpüsündəki hadisə nəticəsində 7 nəfər ölüb, 49 nəfər xəsarət alıb. London polisi hücumlar törətməkdə şübhəli bilinən üç şəxsi məhv edib. Böyük Britaniya hökuməti hadisəni terror aktı kimi qiymətləndirib. İnsidentlə əlaqədar 12 nəfər saxlanılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi